“Талибанда” шабуыл жасамайды,бірақ шабуыл болған жағдайда қорғалуға дайын.
“Талибан” радикалды қозғалысының мүшелері ИД-уль-Фитрге (Ораза айт) орай Ауған Үкіметімен үш күндік татулықты жариялады, бұл туралы Tolo news хабарлайды.
Талибтердің мәлімдеуінше, олар “жау” күштеріне ешқандай шабуыл жасамайды, бірақ әлеуетті қауіп-қатерлерден қорғалу құқығын сақтайды.
Атысты тоқтату режимін жариялау халықаралық ұйымдар мен талибтерге серіктестердің зорлық-зомбылықты қысқартуға және Ауған үкіметімен келіссөздер бастауға шақырулары аясында жүзеге асырылады.
Сәуір айында Ауғанстан президенті Ашраф Гани “Талибанға” қасиетті Рамазан айы кезінде атуды тоқтату туралы үндеу жасады, бірақ талибтар шақыруға жауап бермеді. Мамыр айының басында Ауғанстанның шығысында жерлеу рәсімі кезінде лаңкестік орын алып, ондаған адам қаза тауып, жараланды. Кабулда қарулы адамдар перзентханаға шабуыл жасап,14 әйел мен екі бала қаза тапты.
Осыдан кейін Ауғанстан Президенті әскерлерге талибтерге қарсы шабуыл жасауға көшуге бұйрық берді.
2020 жылдың 29 ақпанында АҚШ пен “Талибан” қозғалысы Ауғанстандағы бес әскери базадан америкалық әскерлерді шығаруды, сондай-ақ 2020 жылдың тамызына қарай “Талибан” қозғалысының мүшелерінен санкцияларды алып тастауды қарастыратын тарихи келісімге қол қойды.
Сурет: bisocnet.com
