1 ақпанда Instagram-да Талдықорғанда митингке шыққан бір топ адам түсірілген видео пайда болды. Митинг өткен орынға полиция қызметкерлері келіп, акция рұқсатсыз екенін анықтады. Қатысушылар әкімшілік жауапкершілікке тартылды. Бұл туралы Алматы облыстық сотының ресми Telegram-каналында хабарлады.
Санкцияланбаған акцияға қатысушыларға қатысты ҚР ӘҚБтК-нің 488-бабының 6-бөлігі (Қазақстан заңнамасында белгіленген тәртіпті бұза отырып өткізілетін жиналыстарға, митингілерге, демонстрацияларға, шерулерге, пикеттерге не өзге де жария іс-шараларға қатысу) бойынша әкімшілік хаттамалар жасалды.
Бір адамға ұйымдастырушы айыбы тағылды (ҚР ӘҚБтК-нің 488-бабының 7-бөлігі).
Содан кейін материалдар сотқа қарау үшін жіберілді.
8 ақпанда Талдықорған әкімшілік соты Істерді зерделеп, құқық бұзушылардан жауап алып, митинг кезіндегі олардың мінез-құлқына баға беріп, қатысқандардың бірінің әрекетін ұйымдастырушыдан қатысушыға ауыстырды.
Нәтижесінде барлығы кінәлі деп танылды, сот ескерту шығарумен шектелді. Сот актілері заңды күшіне әлі енген жоқ.
Сурет: ratel.kz
