Таиландтың Ішкі істер министрлігінің басшысы Анупонг Паочинда оның елінде 18 елдің, соның ішінде Қазақстан Республикасының, азаматтарына виза беруді тоқтату туралы шешім қабылданғанын мәлімдеді, деп хабарлайды «Қазақпарат» ақпарат агенттігі.
Таиланд қазақстандықтардан басқа Болгария, Бутан, Қытай, Кипр, Эфиопия, Фиджи, Үндістан, Грузия, Мальта, Мексика Республикасы, Науру, Папуа-Жаңа Гвинея, Румыния, Ресей, Сауд арабиясы, Өзбекстан Республикасы мен Вануату азаматтарына виза беруді тоқтатты
Таиланд Ішкі істер министрінің айтуынша, мұндай шешім коронавирус инфекциясының таралмауы үшін қабылданды.
Сонымен қатар, Таиланд ІІМ басшысы жақын арада Оңтүстік Корея, Италия және Гонконг азаматтарына виза беруді тоқтататынын атап өтті.
Денсаулық сақтау министрлігінің мәліметінше, біздің елде, әзірше, коронавирус ауруы тіркелген жоқ. Қазір бұл жағдайдың алдын алу үшін барлық мүмкін шаралар жасалуда.
Бұған дейін Қазақстанның бас санитарлық дәрігері Жандарбек Бекшин коронавирус біздің елде 11-16 наурыз аралығында пайда болуы мүмкін деген болжам жасады.
Денсаулық сақтау министрі Елжан Біртанов өз кезегінде бұл болжам статистикалық модельдеу әдісімен отандық мамандар жасағанын айттып, оның орындалмауы мүмкін екенін атап өтті.
Сурет: pattayapeople.ru
