Жақын арада Тәжікстан болатын президенттік сайлауда Республикамыздың Парламент мүшесі Талғат Мұсабаев бақылаушы болады, деп хабарлайды «Қазақпарат» ақпарат ресурсы.
Сенат депутаты Тәжікстан Республикасындағы сайлауды Тәуелсіз Мемлекеттер Достастығы елдерінің Парламентаралық Ассамблеясы тобының құрамында бақылайтын болады.
Тәжікстан үшін маңызды оқиға басталар алдында Мұсабаев Парламенттің екі палатасының және осы елдің сайлау және референдум жөніндегі орталық комиссиясының басшылығымен кездесуді жоспарлап отыр.
Сондай-ақ, жұмыс тобының құрамында қазақстандық сенатор Тәжікстан басшысы лауазымына үміткерлердің сайлауалды штабтарының басшылығымен бірқатар кездесулер өткізеді.
Президенттік сайлау 11 қазанда өтеді. Бұл күні Мұсабаев ТМД елдерінің басқа да бақылаушыларымен бірге Душанбедегі сайлау учаскелеріне барып, дауыс берудің ашық өтуін қадағалайтын болады.
Сайлау учаскелері жабылғаннан кейін, бақылаушылар қорытынды кеңес өткізеді, нәтижесі 12 қазанда баспасөз конференциясында айтылады.
Сурет: vecherka.tj
