Қазақстан Президенті Қасым-Жомарт Тоқаев Тәжікстан президенті Эмомали Рахмоннан жеделхат алды. Тәжікстан президенті жеделхатында Арыс қаласындағы төтенше жағдайға байланысты көңіл айтты. Бұл туралы Қазақстан президентінің баспасөз қызметі хабарлады.
“Арыс қаласындағы жарылыс туралы хабарды терең қайғы сезіммен қабылдадым. Өз атымнан және тәжік халқының атынан Сізге, қаза болғандардың туған-туысқандары мен жақындарына шын жүректен көңіл айтамын, сондай-ақ зардап шеккендердің отбасыларына демеу сөздерін айтып,олардың тез арада сауығып кетуіне үміт білдіремін”, – деді Тәжікстан президенті өз жеделхатында.
Сондай-ақ, Тәжікстан басшысы Қазақстан Үкіметінің зардап шеккен қала тұрғындарының қауіпсіздігін қысқа мерзімде қамтамасыз еткен іс-қимылдар жеделдігін атап өтті.
Сурет: ris.ru
