Біздің республика Тәжікстанға бес мың тонна мазут түрінде гуманитарлық көмек жіберді. Бұл туралы «ҚазТАГ» ақпарат агенттігі жазады.
Қазақстан Индустрия министрлігінің ақпараты бойынша, гумкөмек Душанбеге темір жол көлігімен Ақжайық стансасынан жеткізілді.
Индустрия министрлігінің басшысы Бейбіт Атамқұловтың айтуынша, Тәжікстан Республикасына гуманитарлық жүкті жеткізу шығындарының жалпы сомасы 176 миллион теңгені құрады.
Қазақстан министрлер кабинеті өз кезегінде гуманитарлық көмекті Тәжікстанға жеткізу шығындарын көлік ұйымдарына өтеткізуді жоспарлап отыр.
«Қазақстанның Индустрия және инфрақұрылымдық даму министрлігіне 2020 жылға арналған республикалық бюджетте көзделген Үкіметтің төтенше резервінен 176 миллион теңге сомасында қаражат бөлінсін», — делінген министрлер кабинетінің қаулысында.
Бұдан бұрын Қазақстан індет таралу жағдайында Орталық Азия елдеріне қолдау көрсетуге шешім қабылдап, Қырғызстан мен Тәжікстанға бес мың тонна ұн жөнелткені хабарланған.
Сурет: kaztag.kz
