Тәуелсіздік күні қарсаңында 3 мың жас отбасы баспаналы болады. Бұл туралы ҚР Ақпарат және қоғамдық даму министрлігінің Жастар ісі және отбасы комитеті төрағасының орынбасары Шахмардан Байманов Jas Samruk-2019 жастар слетінде мәлім етті, деп “ҚазАқпарат”ХАА тілшісі хабарлайды.
“ҚР Тұңғыш Президенті-Елбасы Нұрсұлтан Назарбаев Жастар жылын ашқанда, ол жастарға тек мемлекеттік органдарды ғана емес, сонымен қатар барлық квазимемлекеттік, жеке және қоғамдық ұйымдарды да көмек көрсетуге шақырды. Қазір бұл бағытта ауқымды жұмыстар жүргізілуде. Бүгін біз осы жұмыстың нәтижелерін көріп отырмыз. “Самұрық-Қазына” компаниялар тобында 90 мың жас жұмыс істейді. Ұлттық әл-ауқат қоры жыл бойы 500-ге жуық іс-шара ұйымдастырды. Бұл Жастар жылын өткізуге, Қазақстанның барлық жастарына қамқорлық жасауға үлкен үлес”, – деді Ш. Байманов.
Оның айтуынша, жастардың жылы бір жылмен шектелмейді, бұл 5-6 жыл ішінде соңғы нәтижеге жоспарланған стратегиялық іс-шаралар. Үкімет осы жоспарлар негізінде арнайы Жол картасын әзірледі. Жол картасы жастардың өзекті мәселелері бойынша негізгі бағыттарды қамтыды. Біріншіден, жұмыс істейтін жастарды тұрғын үймен қамтамасыз ету. Желтоқсан айында Тәуелсіздік күні қарсаңында Нұр-сұлтан, Алматы және Шымкент қалаларында 3 мың пәтер беру жоспарлануда. Егер әрбір отбасында 4 адамнан тұратын болса, онда 12 мың адам тұрғын үймен қамтамасыз етіледі. 2021 жылға дейін осы үш қалада 9 мың жас тұрғын үй алады.
Ш. Байманов сондай-ақ елімізде жастарды оқыту мен кәсіпкерлікке тартуға бағытталған “Жас маман”, “Жас кәсіпкер” бағдарламалары іске асырылып жатқанын еске салды. Бұл бағдарламалармен 200 мыңға жуық адамды қамту жоспарлануда. Жыл аясында барлығы 722 мың жастарды жұмыспен қамту жоспарлануда. Гранттық қолдау да көрсетілетін болады. Мыңнан астам мемлекеттік емес жастар ұйымдары жалпы сомасы 2,8 млрд теңгеге қолдау тапты.
