“Атамекен” Ұлттық кәсіпкерлер палатасы департаментінің басшысы Шыңғыс Темір Facebook-тегі парақшасында біздің елімізде тұтынушылардың белгіленген карантин талаптарын бұзғаны үшін бизнесмендер жауапкершілікке тартылмайтыны туралы жазды, деп хабарлайды zakon.kz ақпарат ресурсы.
“Атамекен” өкілі кәсіпкерлер қазір барлық санитарлық талаптарды сақтау үшін бар күштерін салып жатқанын айтты. Алайда, ол кейбір тұтынушылар ескертулерге қарамастан, бетперде режимі мен әлеуметтік қашықтықты сақтамайды.
Шыңғыс Темір карантиннің белгіленген талаптарын тұтынушы бұзса, кәсіпкер ол үшін жауапты болмауы тиіс екенін ерекше атап өтті.
“Жауапкершілікті күшейту мен тыйымды енгізу басталғаннан бері біз Ленсаулық сақтау министрлігі және санитарлық дәрігерлермен бетпе-бет сөйлестік. Олардың бізбен келісіп, бізді қолдайтыны қуантады”, – деді Шыңғыс Темір.
Соңғы мәліметтерге сәйкес, Қазақстан Республикасында коронавирусты жұқтырудың 81720 жағдайы ресми түрде тіркелді. Елімізде 51823 адам осы вирустан емделді.
