Қазақстан Ақпарат министрлігінің басшысы Дәурен Абаев төтенше жағдай режимі кезінде қазақстандықтар алатын әлеуметтік төлемдер туралы айтты. Бұл туралы Tengrinews.kz ақпарат агенттігі хабарлайды.
Министрдің айтуынша, әлеуметтік төлемдер республиканың бір жарым миллион азаматына беріледі, бұл мақсаттарға қаржы мемлекеттік әлеуметтік сақтандыру қорынан бөлінеді.
Дәурен Абаев әлеуметтік төлемдер екі санатқа бөлінгенін, оның біріншісі төтенше жағдай режиміне байланысты ақысыз демалысқа кеткен, ал екіншісі — жұмыстан айырылғандар екенін атап өтті.
Бірінші санатқа жататын азаматтарға ай сайын шамамен 42 мың теңге төленетін болады, алайда бұл үшін олар осы жылы кем дегенде үш рет мемлекеттік қорға ақша аударуы тиіс.
Сонымен қатар, ресімдеу үшін өтінімді аудандық және қалалық жұмыспен қамту штабына қызметкер емес, оның тікелей басшысы беруге тиіс.
Екінші санаттағы азаматтарға 40 мың теңге мөлшерінде әлеуметтік төлем қарастырылған, оны олар бір айдан алты айға дейін алатын болады, алайда олар жұмыспен қамту орталығында жұмыссыз ретінде тіркелу қажет.
Сурет: Zakon.kz
