Нұр-Сұлтан қаласының құқық қорғау органдарының қызметкерлері жедел-профилактикалық іс-шараларды өткізу барысында есірткі зертханасын тауып, оны жойғанын хабарлады, деп жазады kt.kz жаңалықтар ресурсы.
Тінту кезінде тәртіп сақшылары жалпы салмағы 900 грамнан асатын псилоцин есірткі заты бар галлюциногенді саңырауқұлақтарды тауып алып, тәркіледі, бұл заңмен белгіленген ең үлкен мөлшерден 18 есе көп.
Сондай-ақ, полиция галлюциногенді саңырауқұлақтарды өсіру үшін қолданылатын арнайы минералды тыңайтқыштар мен жабдықтар тапты.
Тыйым салынған заттарды өндіру фактісі бойынша Нұр-Сұлтанның 23 жастағы тұрғыны ұсталды. Оның өзі қолдануы және жастар арасында сату үшін саңырауқұлақ өсірумен айналысқаны белгілі болды.
Галлюциногенді саңырауқұлақтарды заңсыз өсіргені үшін ұсталған адам 8 жылға дейін бас бостандығынан айырылуы мүмкін. Қазіргі уақытта ол уақытша ұстау изоляторында. Сонымен қатар, оған қатысты сотқа дейінгі тергеудің барлық қажетті рәсімдері жүргізілуде.
