“Самұрық-Қазына” қорына тиесілі түрік Банкінің “Шекербанк” (Şekerbank) акцияларына 38 млн $ астам сомаға тыйым салынды. Бұл туралы Ұлттық әл-ауқат қорының басшысы Ахметжан Есімов мәлім етті, деп хабарлайды Tengrinews.kz тілшісі.
Үкімет отырысында Есімов Қор активтерін тұтқындаудың тәжірибесі қалыптасып, шетелдік юрисдикциялардағы сот процестеріне үнемі тартылатынына өкініш білдірді. 2017 жылдың күзінде Қорға тиесілі Қашаған мұнай кен орнының акцияларына 5 млрд $ астам шектеу қойылды. Өткен жылдың желтоқсанында “Шекербанк” түрік банкінің қорына тиесілі акцияларына тыйым салынды.
Қордың соттарға қатысуы үлкен шығындарға әкеп соғады,ал қатерлер қор мен оның компаниялары тобының активтерінің инвестициялық тартымдылығына теріс әсер етеді.
Есімов әділет және қаржы министрліктеріне Қазақстан Республикасына қарсы шығарылған шешімдерді орындау бойынша халықаралық арбитраждық үдерістер механизмін әзірлеуді ұсынды. Есімовтің сөзіне қарағанда, механизм Қазақстан Республикасына теріс шешім қабылдағаннан кейін қамауға алынбауын қарастыруы керек.
Отырыстан кейін Әділет министрі Марат Бекетаев журналистерге шетелдік инвесторлар Қазақстан даулап отырған төрелік сот шешімдері бойынша өтемақы өндіріп алуға тырысатынын түсіндірді.
“Біз төлемейміз, өйткені сома аз болуы немесе төленбеуі тиіс деп ойлаймыз. Апелляциялық сатыға шағым берудің мәні де осы. Онда инвесторлар қор Үкіметтің толық бақылауында және Үкіметтің міндеттемелеріне жауапты деп тұжырымдайды да “Самұрық Қазынаның” активтеріне тыйым салуға тырысады. Біз мұндай мәселенің осылай шешілеуіне қарсымыз”, – деді министр.
Сурет: Турар Казангапов
