Түркістанда 200-ге жуық шебердің қатысуымен қолөнершілердің халықаралық жәрмеңкесі өтуде.Оған Иран, Үндістан, Ресей, Ауғанстан, Өзбекстан, Түркия, Қырғызстан, Әзірбайжан және Тәжікстан елдерінен 200-ге жуық шеберлер қатысуда.
Халықаралық жәрмеңке ұйымдастырушыларының айтуынша, жәрмеңкенің басты мақсаты Түркістан қаласын әлемдік деңгейдегі ірі халық қолөнершілерінің орталығына айналдыру.
Сондай-ақ, шараға еліміздің «Қолөнершілер одағы», «Дешти арт» бірлестігі, «Кадам өнер» орталығы, «Әзірбайжан Президентінің жанындағы халыққа қызмет көрсету және әлеуметтік инновация орталығы Мемлекеттік Академиясы» және Қырғызстанның «Алаш» қолөнершілер одағының өкілдері қатысады деп жоспарлануда.
Жәрмеңке ұйымдастырушыларының ақпараты бойынша, іс-шара аясында күйіктас, тері, темір және шыныдан қолөнер бұйымдарын жасау, кілем тоқу бойынша түрлі шеберлік сыныптары, сондай-ақ Қазақ ұлттық киімінің тұсаукесері өтеді.
Сурет: inform.kz
