Түркістан облысының әкімі Өмірзақ Шөкеев облыс орталығын аралау барысында көпқабатты тұрғын үйлердің құрылысын көрді, деп “ҚазАқпарат” ХАА Түркістан облысы әкімінің баспасөз қызметіне сілтеме жасап хабарлайды.
Құрылысшылармен кездесу барысында өңір басшысы ең алдымен салынып жатқан нысандардың сапасына назар аударуды, сондай-ақ жұмысты белгіленген кестеге сәйкес аяқтауды тапсырды. Түркістанда өткен жылы тұрғын үй кезегінде тұрған азаматтардың саны 12 мыңнан асты. Сондықтан жаңа әлеуметтік тұрғын үй санын көбейту туралы шешім қабылданды. Өткен жылдың соңында кезекте тұрған 440 адам пәтер алды. Тағы 534-і несиеге жылжымайтын мүлік рәсімдеді. Сонымен қатар, 7 тұрғын үй салынды. Бүгінгі таңда әкімшілік-іскерлік орталықта 77 тұрғын үй салынуда. Ағымдағы жылдың соңына дейін жаңа қоныстанушыларға 730 пәтер беру жоспарланып отыр. Сонымен қатар, қала бойынша жыл соңына дейін 46 көп қабатты тұрғын үйдің қасбеттері қайта жаңғыртылады. Рухани астанада автокөліктерді жарықтандыру және күрделі жөндеу бойынша ауқымды жұмыстар аяқталды. Атап айтқанда, облыс орталығында 10 км жол жөнделді, ұзындығы 200 км 140 көше жарықтандырылды, 100 км асфальтталды, 81 көшеде тротуарлар төселді. Түркістанның Бас жоспарына сәйкес көшелерге асфальт жабынсыз су құбыры мен газ құбырын тарту, сондай-ақ қиыршық тас төсеу және жаяу жүргіншілер жолдарын салу көзделген. Қазірдің өзінде 21 көшеге орташа жөндеу жұмыстары жүргізіліп жатыр. Сонымен қатар, қаланың барлық негізгі көшелеріне жарық бағандарын орнату жоспарлануда.
