Түркістанда Қазақстан – Өзбекстан кәсіпорны – тігін фабрикасының ашылу салтанаты өтті. Іс-шараға еліміздің атқарушы билік басшысы Асқар Мамин және өзбекстандық әріптесі Абдулла Арипов қатысты, деп хабарлайды lsm.kz жаңалықтар ресурсы.
Фабрика Түркістан индустриалды аймағында орналасқан. Оның қуаттылығы ай сайын 13 мың тоқыма бұйымдарын өндіруге мүмкіндік береді. Бұл жобаны іске асыруға 700 миллион теңге инвестиция бағытталды.
Кәсіпорынның арқасында Түркістанда әйелдер үшін, оның ішінде ерекше қажеттіліктері бар мыңнан астам жаңа жұмыс орындары пайда болады.
Сонымен қатар, Мамин мен Арипов Қазақстан мен Өзбекстан арасындағы сауда-экономикалық ынтымақтастыққа қатысты мәселелерді талқылады. Тараптар өзара сауда көлемін 10 миллиард долларға жеткізуді жоспарлап отыр.
Сондай-ақ, келіссөздер аясында екі Орталық Азия Республикасы Министрлер Кабинетінің басшылары ауыл шаруашылығы, инвестициялық, су-энергетикалық, кедендік және көлік-логистикалық ынтымақтастық бойынша өзекті мәселелерін қарастырды.
