2018 жылы Түркістан облысында өндірілген өнім көлемі артып, 1 трлн 103,9 млрд теңгені құрады. Өңірдің көптеген кәсіпорындарында технологиялық процестерді жетілдіру өнеркәсіп секторын дамытудың қолайлы деңгейіне қол жеткізуге мүмкіндік берді. Бұл туралы облыс әкімі Жансейіт Түймебаев халық алдындағы өткен жылдағы өңір билігі қызметінің негізгі нәтижелері туралы кезекті есеп беруінде мәлім етті. Облыс әкімінің баспасөз қызметінен хабарлады.
Сонымен қатар, өткен жылы облыс капиталы үшін экономикалық жағдайлардың сапасын арттыру мақсатында Мемлекет басшысының жеке жарлығымен Түркістанда TURKISTAN арнайы экономикалық аймағы құрылды,оның аумағы 1338 га. Бұдан басқа, жұмыс істеп тұрған шағын және орта кәсіпкерлік субъектілерінің саны 130 804-ке дейін өсті. Осыған байланысты облыс республикада екінші орында. “Бизнестің жол картасы 2020” бағдарламасы бойынша 4,5 млрд теңге сомасына 456 жобаға қолдау көрсетілді.
Өткен жылы 288,1 млрд теңге инвестиция тартылды. Қазіргі уақытта “бір терезе” қағидаты бойынша салымшыларға көмек көрсететін TURKISTAN INVEST компаниясы жалпы сомасы 1 млрд 147 млн АҚШ доллары болатын 24 ірі инвестициялық жобаға қатысуда. Бұл жобалар 14 000 адамға жұмыс орнын береді., Түркістан облысы ауыл шаруашылығы өнімдерін өндіруде де көш бастап тұрғагын айта кету керек.
Сурет: Atameken Business
