4 наурызда Түркістан облысы Қазығұрт аудандық сотының үкімімен екі шенеунік сыбайлас жемқорлыққа қарсы қызмет қызметкеріне пара беруге әрекет жасағаны үшін сотталды. Бұл туралы ҚР Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Бигайдаров мәлімдеді, деп хабарлайды zakon.kz.
Лауазымды тұлғалар сыбайлас жемқорлыққа қарсы қызмет қызметкерлеріне өздерінің жеке мәселелерін шешуге және одан әрі қамқорлық алуға үміттеніп пара беруге тырысатын жағдайлар да бар, — деді ол.
«Қазығұрт аудандық мәдениет сарайы» МКҚК директоры Тұрабековке 4,5 млн теңге, МКҚК бас бухгалтері Көшербаевқа-1,5 млн теңге айыппұл салынды.
Олар Түркістан облысы бойынша Сыбайлас жемқорлыққа қарсы қызметінің Сарыағаш аймағы бойынша Сыбайлас жемқорлыққа қарсы іс-қимыл жөніндегі ауданаралық басқармасының қызметкеріне 2018-2020 жылдарға арналған бюджет қаражатының игерілуін, оның ішінде «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасы шеңберінде бөлінген қаражаттың игерілуін тексеруде қамқорлығы үшін 300 мың теңге сомасында пара беруге әрекет жасады деп күдікке ілінді.
