Түркістан облысының 200-ге жуық медицина қызметкері Қазақстан Республикасының Тәуелсіздік күніне орай Мемлекеттік марапаттар мен алғыс хаттарға ие болды.Құрметті наградаларымен бірге олар айлық жалақы көлемінде сыйақы алды.
Түркістан облысының сегіз дәрігері үздік деп танылды. Салтанатты марапаттау рәсімінде облыс әкімі Жансейіт Түймебаев облыстық клиникалық аурухана бөлімшесінің меңгерушісі Нәзира Жарқынбекованы “Құрмет” орденімен марапаттады.
Шардара аудандық орталық ауруханасының бас дәрігері Жанар Оспанова мен Түркістан қалалық орталық ауруханасының бөлім меңгерушісі Қамагүл Мұсақожаева “Ерен еңбегі үшін”медалімен марапатталды.
Түркістан облыстық клиникалық ауруханасының трансфузиолог дәрігері Амалбек Белгібаев пен Қазығұрт аудандық орталық ауруханасының бас дәрігерінің орынбасары Айкүл Ақынғазиева, Қазығұрт аудандық орталық аурухананың педиатр-дәрігері Наушарман Боранбаева, Түлкібас аудандық орталық аурухананың дәрігері Бақытжан Күзембаев, аудандық орталық аурухананың дәрігері бөлімше меңгерушісі Салтанат Сеитова Ордабасы “Шапағат”медальдарымен марапатталды.
Сулет: otyrar.kz