Бүгін Түркістан облысы әкімінің орынбасары Мейіржан Мырзалиев «Chaudhary Group (CG Global)» трансұлттық компаниясы басқармасының төрағасы Бинод Чаудхаримен және атқарушы директор Варун Чаудхаримен Алматы қаласында кездесу өткізгені белгілі болды. Бұл туралы Түркістан облысы әкімінің баспасөз қызметі хабарлады.
Кездесу барысында Мейіржан Мырзалиев қолжетімді жобалардың тұсаукесерін өткізді, сондай-ақ өңірдің инвестициялық мүмкіндіктері мен әлеуметтік-экономикалық дамуы туралы пікірімен бөлісті.
Өз кезегінде, «Chaudhary Group (CG Global)» компаниясының өкілдері Түркістан облысында бірнеше жобаны жүзеге асыруға өз ниеттерін білдірді. Атап айтқанда, инвесторлар тау шаңғысы курортын, сондай-ақ қажетті қонақ үй инфрақұрылымын салуды қалайды. Осындай ауқымды жобаны жүзеге асыру үшін компания Испания мен Швейцариядан серіктес ретінде мамандарды тартуды жоспарлап отыр.
Сурет: inform.kz
