Қала көшелеріне SAZ LЕ-60 маркалы автобустар шықты. Алдағы екі айда тағы 20 автобус келеді деп күтілуде, деп хабарлайды “ҚазАқпарат” ХАА Түркістан облысы әкімінің баспасөз қызметіне сілтеме жасап.
Қазіргі уақытта облыс орталығында қоғамдық көлік маршруттарының желісі кеңейтілуде. Жаңа автобустар №18 маршрут бойынша “Тұран ауылы – әкімшілік іскерлік орталығы – Түркістан автовокзалы”жүретін болады. Қоғамдық көліктің кешігуі, жүргізушілердің дөрекі қарым-қатынасы және басқа да оқиғалар жағдайында 109 байланыс нөміріне хабарласуға болады, деп баспасөз қызметі хабарлады. Естеріңізге сала кетейік, наурыз айында қалалық маршруттарға 20 жаңа автобус шықты. Олардың әрқайсысы 25 жолаушыға арналған, пандустармен, желдеткіштермен, жол ақысын төлеудің электрондық жүйесімен және үш бейнебақылау камерасымен жабдықталған.
