Ағымдағы жылы Түркістан облысы Төле би ауданында «Ленгер көлік жасау»зауыты іске қосылады. Бұл туралы Өңірлік байланыс қызметі хабарлайды.
Зауытқа 2 миллиардтан астам теңге инвестицияланды. Бүгінгі таңда ол қайта құру және жаңғырту кезеңінен өтуде. Нәтижесінде жалпы ауданы 13 мың шаршы метр кәсіпорын іске қосылады.
Кәсіпорынның мамандануына машина жасау, Қазақстан халқының мұқтаждығы үшін жиһаз, метиздер мен қосалқы бөлшектер өндірісі кіреді.
Зауыттың жылдық қуаты 60-70 тонна өнімді құрайды. Жұмыс кезінде отандық шикізат пайдаланылатын болады және дайын тауар ішкі нарыққа шығатын болады. Алдағы уақытта жаңа жұмыс орындарын ашу және 250-ден астам адамды жұмысқа орналастыру жоспарлануда.
Сурет: inform.kz
