Өзбекстан Республикасы Түркістан облысына су басқан үйлердің құрылысына көмектесетін жұмыс тобын жіберді, деп хабарлайды zakon.kz ақпарат ресурсы.
Қазақстан аймағына 200 маман келді, олармен бірге өрт сөндіру машиналары, экскаваторлар, тракторлар, су сорғыштар, жүк машиналары, сондай-ақ азаматтарды тасымалдау үшін пайдаланылатын автобустар да жеткізілді.
Түркістан әкімдігінде өзбекстандық жұмысшылар үй құрылысына көмектесіп қана қоймай, суды сорғымен шығарып, каналдар бөліп, бөгеттер салатынын атап өтті.
Өзбекстанның қолдау қызметінің өкілдері жақын арада Түркістан облысына тағы да жұмыс күші мен техникасы келетінін мәлімдеді. Мұндай шаралар осы елдің басшысы Шавкат Мирзиеевтің тапсырмасы бойынша қабылданды.
Бұдан бұрын Өзбекстан тарабы Түркістан облысына көмек жібергені хабарланған. Атап айтқанда, өңірге 200 құтқарушы, 38 арнайы техника мен 85 мотопомпа келген. Бұл Сардоба су қоймасы бөгетінің жарылуынан болған су басу салдарын жоюға қазақстандық құтқарушыларға көмек көрсету үшін жасалды.
Сурет: zakon.kz
