Түркістан облысы Сарыағаш ауданында әрқайсысы 45 пәтерлі он үш бес қабатты үйдің құрылысы жалғасуда. Бұл туралы өңірлік әкімдіктің баспасөз қызметі хабарлады.
Үй құрылысы 2018 жылы басталды. Ағымдағы жылы кейбір үйлерді пайдалануға беру күтілуде.
Жаңа тұрғын үй жобаларын іске асыруға облыстық бюджеттен 5 млрд.теңгеден астам қаржы бөлінді.
Қапланбек оқу-тәжірибе шаруашылығы аумағында үй салу үшін 120 гектардан астам жер бөлінді. Құрылыс жұмыстары аяқталғаннан кейін 585 отбасы жаңа баспана алады.
Тұрғын үй кешенінен басқа Құркелес ауылдық округінде үш жүз және алты жүз орындық екі мектептің құрылысы жүргізілуде. Сондай-ақ, Қапланбек ауылында О. Жәутіков атындағы мектепте спорт залы салынып, шеберханалар мен асханалар жабдықталуда.
Сурет: foto.cheb.ru
