Облыс әкімінің орынбасары Мейіржан Мырзалиев басқарған Түркістан облысының делегациясы Ұлыбритания астанасында өткен Kazakhstan Global Investment Forum 2019 Қазақстандық-Британич инвестициялық форумына қатысты. Бұл туралы облыс әкімінің баспасөз қызметі хабарлады.
Түркістан облысы әкімінің орынбасары форумда сөйлеген сөзінде өңірдің инвестициялық мүмкіндіктері туралы айтты. Оның айтуынша, облыста шетелдік инвесторлар үшін бірқатар артықшылықтар қарастырылған.
Форум аясында Түркістан делегациясы агроөнеркәсіптік кешен, құрылыс және туризм салаларындағы жетекші корпоративтік инвесторлармен бірқатар кездесулер өткізді.
Бұдан басқа, жоғарыда көрсетілген іс-шара аясында Түркістан облысында ынтымақтастықты одан әрі дамыту және бірқатар жобаларды жүзеге асыру бойын Financial Times басылымымен келісімге қол жеткізілді.
Қазақстан-Британ инвестициялық форумының қорытындысы бойынша британиялық инвесторлар өңірмен танысу және тараптар арасындағы сауда-экономикалық байланыстарды нығайту үшін Түркістан облысына ресми сапармен келетінін атап өтті.
