Түркістан облысының әкімі Өмірзақ Шөкеев арнайы жиынға іріктелген әскерге шақырылғандармен кездесті, деп хабарлайды zakon.kz ақпараттық агенттігі.
Негізінен аймақтан арнайы жиынға бұрынғы әскери қызметшілер мен үздік жауынгерлік және саяси дайындығы бар адамдар іріктеп алынды. Барлығы 230 адам, оның ішінде облыс әкімінің орынбасары Сәкен Қалқаманов та бар.
Өңір басшысы әскерге шақырылушылармен кездесу барысында әскери міндеттілер республиканың Қарулы Күштерінің аумақтық әскерін жасақтау үшін арнайы жиынға шақырылғанын еске салды. Сонымен қатар, әкім барлық еріктілерге алғысын білдіріп, оларға әскери қызмет атқаруда табыс тіледі.
Әскерге шақырылғандар дезинфекциялық жұмыстарға, қалалар мен аудандарды патрульдеуге жұмылдырылады, сондай-ақ өңірде қойылған бақылау-өткізу пунктерін күзететін болады.
Түркістан облысының әкімдігі әскерге шақырылғандар, оның ішінде аймақ әкімінің орынбасары медициналық тексеруден өтіп, әскери қызмет атқаруға кіріскенін айтты. Олардың барлығы киіммен және тамақпен қамтамасыз етілді.
Бұған дейін Қазақстан Республикасының басшысы Қасым-Жомарт Тоқаев әскери міндеттілерді арнайы жиындарға шақыру туралы Жарлыққа қол қойған.
Сурет: zakon.kz
