Қазақстан Республикасы мен Түрікменстан байланыссыз жүк автокөлік тасымалдарының бірлескен процесін іске қосты. Бұл туралы Түрікменстанның Orient сайты хабарлады.
Тасымалдаудың алғашқы сынақ кезеңі екі республика арасындағы шекарадағы Гарабогаз-Темірбаба өткізу пунктінде басталды.
Байланыссыз әдіс Түркіменстан Республикасының аумағына шетелдік автокөліктер мен үлкен жүк жүргізушілерін жібермеуді көздейді.
Сайтта жүкті, құжаттарды және ақшалай қаражатты беру бейтарап аумақтағы бақылау-өткізу пункттері арасындағы арнайы жабдықталған алаңда жүзеге асырылады делінген.
Онда қалдырылған заттар дезинфекцияланады, содан кейін ғана Түрікменстан Республикасының аумағына әкелінеді. Жүкті осы елдің шекарасына дейін жеткізген жүргізуші өзінің тіркемесінің Түрікменбашы теңіз портында түсірілгенше 3 күнге дейін қайтарылуын күтуі керек.
Демек, жүк көлігінің жүргізушілеріне Түркіменстан визасы қажет емес. Сонымен қатар, түрікменстандық және шетелдік ауыр жүк көліктеріне кіру және шығу уақыты шектелмейді.
Бұл ақпаратты Қазақстан Республикасының Индустрия және инфрақұрылымдық даму министрлігі де растады.
Сурет: ru.sputnik.kz
