Қазақстанның сыртқы саяси ведомствосының ресми өкілі Айбек Смадияров Сыртқы істер министрлігі еліміздің азаматтарына осы елде жалғасып келе жатқан көші-қон дағдарысына байланысты Мексикаға баруды ұсынбайтынын хабарлады.
Оның айтуынша, көші-қон дағдарысына байланысты Мексика билігі өз шекарасының өткізу пункттерінде көші-қон бақылауын күшейтті. Осыған байланысты көптеген шетелдіктер осы мемлекеттің аумағына жіберілмей, депортацияланады.
Сондай-ақ, қазақстандық сыртқы істер министрлігінің өкілі егер біздің республиканың азаматтарына Мексикаға бару қажет болса, онда Мексиканың уәкілетті органдарын хабардар ету үшін осы елдегі Қазақстан елшілігіне алдын ала жүгіну қажет екенін атап өтті.
“Сондай-ақ, кез келген елдің мемлекеттік шекарасынан өтуі сол мемлекеттің ішкі саясаты болып табылады, осыған байланысты қазақстандық дипломатиялық өкілдік тарапынан көмек көрсету Мексика аумағына еркін кіруге кепілдік бермейді”, – деді Айбек Смадияров.
