Қазақстан Республикасы Сыртқы істер министрлігінің Ішкі аудит қызметі үш шетелдік мекемеде тиімділік пен сәйкестік аудитін жүргізді. Бұл туралы ҚР СІМ баспасөз қызметі хабарлады.
Ведомство аудит нәтижелері бойынша бір лауазымды тұлға әкімшілік жауапкершілікке тартылғанын атап өтті.
Аудитпен қамтылған қаражат көлемі бес миллионнан астам теңгені құрады. Жүргізілген аудиторлық іс-шаралардың нәтижелері бойынша жалпы сомасы 442 874,6 мың теңгеге бұзушылықтар анықталды.
Аудит нәтижелері бойынша Республикалық бюджеттің кірісіне 2 743,2 мың теңге сомасында қаражат өтелді, есеп бойынша қалпына келтірілді және 942,4 мың теңге сәйкес келтірілді.
«Анықталған бұзушылықтардың негізгі үлесі бюджет қаражатын пайдалану кезінде заңнаманы бұзу болып табылады», — делінген хабарламада.
Сурет: newtimes.kz
