Қазақстандық сыртқы саясат ведомствосының басшысы Мұхтар Тілеуберди ExxonMobil Kazakhstan басқарушы директоры Динеш Сивасамбпен кездесті, деп Қазақстан Сыртқы істер министрлігінің баспасөз қызметі хабарлайды.
Кездесу барысында қатысушылар біздің республикадағы жоғарыда аталған компанияның қызметіне, оның ішінде Теңгіз және Қашаған жобаларына қатысуы мәселелеріне назар аударды.
Қазақстандық сыртқы істер министрлігінің ақпараты бойынша, кездесу аясында инвестициялық ынтымақтастықты одан әрі дамытуға қатысты мәселелер қозғалды.
Сондай-ақ Қазақстанның Сыртқы істер министрі әңгіме барысында компания республикамыздың мұнай-газ саласын нығайтуға және шетелдік инвесторларды тартуға қомақты үлес қосқанын атап өтті.
Өз кезегінде ExxonMobil Kazakhstan басқарушы директоры компания елімізде жүргізіліп жатқан инвестициялық ахуалды жақсартуға және шетелдік инвесторлар үшін барлық қажетті жағдайларды жасауға бағытталған жұмысты жоғары бағалағанын мәлімдеді.
