Сыбайлас жемқорлыққа қарсы ведомствоның өкілдері біздің республикада сыбайлас жемқорлық қылмыс жасады деген күдікпен бірнеше шенеуніктің ұсталғанын хабарлады, деп жазады “Хабар24” жаңалықтар ресурсы.
Мәселен, сыбайлас жемқорлықпен күресушілер Батыс Қазақстан облыстық денсаулық сақтау басқармасының басшысы мен
оның көмекшісін ұстады. Оларға парақорлық бабы бойынша қылмыстық іс қозғалды. Тергеу нұсқасына сәйкес, күдіктілер 7,5 миллион теңге алған. Бұл сомаға олар орындалған жұмыстар мен қабылдау актілеріне кедергісіз қол қоюға уәде берген.
Павлодар облысында сыбайлас жемқорлыққа қарсы іс-қимыл агенттігі “Қазақстан темір жолы” компаниясы филиалдарының бірінің басшысын ұстады. Ол өзіне қарасты бөлімше басшысынан 250 мың теңге алды деген күдікке ілінді.
Сыбайлас жемқорлыққа қарсы агенттіктің қызметкерлері Солтүстік Қазақстан облысында тағы бір ұстау жүргізді. Онда облыс әкімі аппараты басқармаларының бірінің басшысы ұсталды. Оған қатысты пара алды деген күдік бойынша іс ашылды. Тергеу нұсқасы бойынша, ол мердігер ұйыммен мемлекеттік сатып алу туралы шартқа қол қойғаны үшін 900 мың теңге алған.
Сурет: pravo.moe
