Қазақстан Республикасының сыбайлас жемқорлыққа қарсы іс-қимыл агенттігінің өкілдері кәсіпкерлік қызметке заңсыз қатысу фактісі және астаналық №3 мектептің директоры Елена Шеверняевамен білім беру саласының бұрынғы орынбасары Эльмира Суханбердиеваның қылмыстық сызбасы туралы айтты.
Сыбайлас жемқорлыққа қарсы ведомстваның аса маңызды істер жөніндегі тергеушісі Ринат Аймуканов астаналық №3 мемлекеттік мектеп-гимназиясында ұзақ уақыт бойы Елена Шеверняеваға тиесілі жеке мектеп жұмыс істегенін айтты.
«Сонымен қатар Шеверняева осы мектеп арқылы кедергісіз, жазасыз кәсіпкерлік қызметті жүзеге асыру үшін өз құрбысын – вице-министр Эльмир Суханбердиеваны тартты. Әйелдер қызметтік жағдайын пайдалана отырып, осы мектепке қамқорлық жасады. 2016 жылы білім басқармасы өз оқушылары үшін орын жетіспейтін мемлекеттік мектеп ішінде жеке мектеп жұмыс істейтіныне көңіл бөлген. Білім басқармасы сонда Шеверняеваға оны жою бойынша шаралар қабылдауды ұсынған.Оның орнына Шеверняев Суханбердиеваға жүгініп, ол білім басқармасына әсер етті», – деді Аймуканов.
Оның айтуынша, сыбайлас жемқорлыққа қарсы қызмет осы мектепті тексеру үшін мемлекеттік органдарды тартты. Нәтижесінде кабинеттердің жетіспеуінен оқушылар жертөледе оқуға мәжбүр болғаны анықталды.
«Санэпидемқадағалау және өрт қауіпсіздігі қызметі мектепте бұзушылықты тапты. Гимназияның 48 оқу кабинеттерінің 10-ы жеке мектепке жалға берілген. Тағы бес кабинет біріктірілген. Бұл оқу кабинеттерінің жалпы санының 20%-ы жеке мектептің пайдаланылуында. Бұл мектепте бірнеше жылдан бері аса тығыздық байқалған. Сонымен қатар Шеверняева мемлекеттік органдарға мектеп кабинеттерін жалға беру мүмкіндігі туралы мәліметтер берген. Бұл оқушылардың да, ата-аналардың да мүдделеріне нұқсан келтіре отыра жасалған. Мемлекеттік мектеп оқушылары жертөле бөлмелері мен сыныптардағы бөлмелерінде тығыздалып отырған. Атап айтқанда, ұлдар үшін АӘД және технология пәндерін сабақтар жертөледе өткізілген», – деді тергеуші.
Сондай-ақ, сыбайлас жемқорлыққа қарсы ведомстваның қызметкері кейбір ата-аналарға тіпті мектепте орын жетіспейтінін дәлелдей отырып, балаларды оқуға қабылдаудан бас тартқанын атап өтті.
Астана қаласы білім басқармасының орынбасары Гүлжан Айтжанова қазіргі уақытта осы оқу орнында жағдай қалыпты деп мәлімдеді.
«Қазір барлығы өзгерді: жеке мектеп жоқ, ол № 3 мемлекеттік мектеп ғимаратынан шықты. Енді бұл шағын аймақ бойынша қабылданған кәдімгі контингенті бар гимназия. Жеке меншік мектептен балалар келісім шарт аяқталғаннан кейін мамыр айында кетті», – деді ол.
Сурет: zakon.kz
