Қазақстан Республикасы Сыбайлас жемқорлыққа қарсы бірінші департаментінің аса маңызды істер жөніндегі тергеушісі Данияр Бигайдаров баспасөз конференциясын өткізді, оның барысында еліміздің қорғаныс ведомствосы қатарындағы сыбайлас жемқорлық туралы айтты. Бұл туралы zakon.kz жаңалықтар ресурсы хабарлайды.
Сыбайлас жемқорлыққа қарсы іс-қимыл агенттігінің өкілі өткен жылмен салыстырғанда Қорғаныс министрлігінде жемқорлар саны артқанын мәлімдеді.
Оның айтуынша, осы жылдың жеті айында қорғаныс ведомствосы қызметкерлерінің қатысуымен 31 сыбайлас жемқорлық қылмыс тіркелді, ал 2019 жылдың осы кезеңінде тіркелген қылмыс саны – 11.
Сонымен қатар, Данияр Бигайдаров Қорғаныс министрлігінде сыбайлас жемқорлықтың әдеттегі көрінісі парақорлық және республика бюджетінен ақша қаражатын ұрлау болып табылатынын атап өтті.
Бұған дейін Қазақстанның мемлекеттік органдарындағы сыбайлас жемқорлыққа қатысты еліміздің сыбайлас жемқорлыққа қарсы қызметі төрағасының орынбасары Шыңғыс Қабдола өз пікірін білдірді. Ол Қазақстанның әрбір билік органы сыбайлас жемқорлыққа қарсы күреске бағытталған шаралар қабылдауы тиіс деп мәлімдеген болатын.
