Павлодар облысының әкімдігінде өткен аппарат кеңесіне аймақтық сыбайлас жемқорлыққа қарсы ведомствоның басшысы Айдар Тастемірова қатысты, деп хабарлайды “ҚазАқпарат” ақпарат агенттігі.
Жиынға қатысушылар алдында сөз сөйлеген аймақ басшысы Сыбайлас жемқорлыққа қарсы қызмет жұмыспен қамтудың жол картасын жүзеге асыру барысын қадағалайтын болады деп мәлімдеді.
Облыс әкімінің айтуынша, жол картасы аясында жүзеге асырылатын жобалар құнының өсуіне, сондай-ақ жұмыстың сапасыз орындалуына жол беруге болмайды.
Айдар Тастеміров өз кезегінде өңір басшысын қолдап, сыбайлас жемқорлыққа қарсы ведомствоның ағымдағы жылдың бірінші тоқсанындағы нәтижелері туралы айтты.
Жыл басынан бері сыбайлас жемқорлыққа қарсы қызмет 32 адамға қатысты қылмыстық іс тергеді, оның 13-і мемлекеттік қызметші болып табылады.
Павлодар сыбайлас жемқорлыққа қарсы ведомствосының басшысы 16 адамға қатысты 15 қылмыстық іс сотқа жіберілгенін айтты.
Аппарат кеңесі соңында аймақ әкімі сыбайлас жемқорлықтың алдын алу мемлекеттік органдардың басты міндеті болуы тиіс екенін атап өтті.
Сурет: inform.kz
