Қазақстанның сыбайлас жемқорлыққа қарсы агенттігі елордалық мәдениет және спорт басқармасының басшысы Нұрлан Сыдықовтың ұсталу себебін айтты. Бұл туралы “ҚазТАГ” ақпарат агенттігі хабарлады.
Сыбайлас жемқорлыққа қарсы ведомствода 10 миллион теңге мөлшерінде пара алды деген күдікпен Сыдыковқа қатысты қылмыстық іс ашылғанын айтты.
Тергеу болжамы бойынша, астаналық басқарма басшысы Наурыз мейрамына орай мерекелік іс-шаралар өткізу қызметтерін ұсыну үшін жасалған мемлекеттік сатып алу келісім-шартына байланысты көрсеткен қамқорлығы үшін пара алған.
Қазір, сыбайлас жемқорлыққа қарсы қызметте хабарлағандай, Нұрлан Сыдықов тергеу изоляторында. Сыбайлас жемқорлыққа қарсы күресушілер сотқа дейінгі тергеудің барлық қажетті рәсімдерін жүргізуде.
Кеше қазақстандық БАҚ-та “Алау” спорт нысанының жөндеу жұмыстарына байланысты пара алды деген күдікпен Нұрлан Сыдықовтың ұсталғаны туралы ақпарат пайда болды.
Нұр-Сұлтан әкімдігінде елорданың мәдениет және спорт басқармасы басшысының ұсталғаны туралы түсінік берген жоқ.
Сурет: Informburo.kz
