Елордалық сыбайлас жемқорлыққа қарсы қызмет өкілдері дәрі-дәрмектерді сараптау ұлттық орталығының басшысы Эрик Байжүнісовке қатысты сыбайлас жемқорлық қылмыс жасады деген күдікпен қылмыстық іс қозғалғанын айтты, деп хабарлайды zakon.kz ақпарат ресурсы.
Сыбайлас жемқорлықпен күресушілердің айтуынша, Байжүнісов бірнеше рет пара алды деген күдікке ілінді. Сондай-ақ, оған қатысты электронды бақылау білезігін қолдана отырып, үйге қамауға алу түріндегі бұлтартпау шарасын таңдалғанын хабарлады.
Егер орталық директоры құрылғыны алып тастауға тырысса, жүйе іске қосылып, сыбайлас жемқорлыққа қарсы күрескерлер бұл туралы бірден білетін болады.
Сыбайлас жемқорлыққа қарсы ведомство қазір Байжүнісовке қатысты сотқа дейінгі тергеудің барлық қажетті шаралары жүргізіліп жатқанын, сондықтан бұл іс бойынша өзге ақпарат жариялауға жатпайтынын айтты.
Денсаулық сақтау министрлігінің құрамына кіретін дәрілік заттарды сараптау ұлттық орталығының директоры лауазымына Байжүнісов ағымдағы жылдың тамыз айында тағайындалған.
Сурет: polit-gramota.ru
