Біздің мемлекетіміздің сыбайлас жемқорлыққа қарсы іс-қимыл агенттігінің қызметкерлері коронавирус індетінің таралуына қарсы күреске өз үлестерін қосуға шешім қабылдап, медициналық жабдықтар сатып алу үшін бір күндік жалақыларын бөлді. Бұл туралы tengrinews.kz ақпарат агенттігі жазады.
Сыбайлас жемқорлыққа қарсы күрескерлер 27 миллион теңге жинап, еліміздің медициналық мекемелеріне көмек көрсету үшін оттегі концентраторларын сатып алды.
Бұл жөнінде республиканың сыбайлас жемқорлыққа қарсы ведомствосының басшысы Алик Шпекбаев өз пікірін айтты. Ол Қазақстанның әрбір ұйымы әлеуметтік жауапты болуы керек екенін мәлімдеді.
«Қоғам алдындағы әлеуметтік жауапкершілігімізді түсіне отырып, біз ауруханаларға оттегі концентраторларын сатып алу үшін бір күндік жалақымызды аудару өзіміз үшін маңызды және қажет деп есептедік», — деді Шпекбаев.
Сыбайлас жемқорлыққа қарсы ведомоство қызметкерлерінің есебінен сатып алынған оттегі концентраторлары тыныс алу жолдарының ауыр ауруларын емдеуде қолданылады. Агенттік мәлімдегендей, алдағы уақытта аппараттар республикамыздың медициналық мекемелері арасында тең бөлінетін болады.
Ресми мәліметтерге сәйкес, біздің мемлекетімізде коронавирус инфекциясын жұқтырғандар саны 104718, ал елімізде covid-19 белгілері бар пневмонияның 22744 жағдайы тіркелді.
Сурет: tengrinews.kz
