Сыбайлас жемқорлыққа қарсы ведомство төрағасының орынбасары Олжас Бектенов жол активтерінің сапасы Ұлттық орталығының кадрлық құрамында бұрын сотталған қызметкерлер бар екенін хабарлады. Олардың кейбіреулері мемлекеттік опасыздық үшін сотталғандар.
Олжас Бектенов бұл туралы Қазақстан Республикасының автожолдарындағы сыбайлас жемқорлық тәуекелдері мен проблемалары жөніндегі кеңесте айтты.
Жол активтері сапасының ұлттық орталығы бойынша сұрақтар бар. Біздің қызметкерлер қарвды — орталықта және филиалдарда 9 адам бұрын түрлі құқық бұзушылықтар үшін қылмыстық жауапкершілікке тартылған. Олардың арасында сыбайлас жемқорлық қана емес, басқа да қылмыстар бар. Денсаулыққа қасақана ауыр зиян келтіру, кадрларды іріктеу бойынша үлкен мәселелер бар», – деді Бектенов.
Ведомство басшысының орынбасарының айтуынша, сыбайлас жемқорлыққа қарсы қызметтің аумақтық департаменттерінің барлық басшылары бұл мәселеге ерекше назар аударуы тиіс. Сондай-ақ, ол сыбайлас жемқорлыққа қарсы күрес басшылығына мемлекеттік кәсіпорындардың кадрлық құрамын тексеруді тапсырды.
«Тиісті тапсырмаларды хаттамаға енгізуді сұраймын», — деп түйіндеді Бектенов.
Сурет: Kiev.ua
