Қазақстанның сыбайлас жемқорлыққа қарсы ведомствосы қылмыстық топ құрып, пара алған полицейлер сотталып, бас бостандығынан айыру жазасына кесілгенін хабарлады.
«Ақмола облысының сыбайлас жемқорлыққа қарсы іс-қимыл агенттігінің департаменті бұрын Степногорск ІІБ бастығының бірінші орынбасары полиция подполковнигі Т. Дүйсембаевқа, Степногорск ІІБ Бестөбе кенттік полиция бөлімінің бастығы полиция капитаны Д. Айнагелдиновке, Степногорск ІІБ Ақсу кенттік полиция бөлімінің бастығы полиция подполковнигі С. Бибатыровқа, Степногорск ІІБ криминалдық полиция бөлімінің жедел уәкілі полиция капитаны А. Құлушевке қатысты сотқа дейінгі тергеуді аяқтады. 15 шілде күні Ақмола облысының қылмыстық істер жөніндегі мамандандырылған ауданаралық сотының үкімімен: Т. Дюсембаев 11 жылға бас бостандығынан айырылды; Д. Айнагелдинов 10 жылға бас бостандығынан айырылды; С. Бибатыров 10 жылға бас бостандығынан айырылды; А. Кұлушев 10 жылға бас бостандығынан айырылды; А. Жекібаев 8 жылға бас бостандығынан айырылды; Б. Мадиев 6 жылға бас бостандығынан айырылды», – деді сыбайлас жемқорлыққа қарсы қызметте.
Сыбайлас жемқорлыққа қарсы күрес қызметкерлерінің айтуынша, құқық қорғау органдарының қызметкерлері «Қазақалтын» ТКМК» АҚ алтын құрамды кеннің заңсыз айналымымен айналысатын тұлғалардан пара алған.
Сондай-ақ, сыбайлас жемқорлыққа қарсы күрес қызметкерлері сотталғандар мемлекеттік қызмет атқару және құқық қорғау органдарында еңбек ету құқығынан айырылғанын айтты.
Сурет: stocktimes.com.ua
