1 наурыздағы жағдай бойынша Қазақстан халқының саны 18 млн 431 мың 500 адамды құрады және өткен жылдың 1 наурызымен салыстырғанда 235 мың 700 адамға немесе 1,3% -ға өсті,деп хабарлады Ұлттық экономика министрлігінің Статистика комитеті.
Есепті күнге қала халқының саны 10 млн. 721 мың 500 адамды құрады, немесе елдің жалпы халқының 58,2% -ы, ауыл тұрғындары — 7 млн. 710 мың адам немесе 41,8%.
Ағымдағы жылдың қаңтар-ақпанында елімізде бір жасқа дейінгі 615 сәби қайтыс болды (2018 жылдың қаңтар-ақпанында – 587). Өткен жылдың осы кезеңімен салыстырғанда қайтыс болған балалардың саны 4,8 пайызға артты. Ағымдағы жылғы қаңтар-ақпанда нәрестелер өлімінің коэффициенті 1000 туғанға 9,9 өлім жағдайын құрады (9,31).
Нәресте өлімінің негізгі себебі — перинаталды кезеңде туындайтын жағдайлар, оның ішінде қаңтар-ақпан айларында 323 нәресте қайтыс болды (өткен жылы 261) немесе нәресте өлімінің жалпы санының 52,5% -ы (44,5%). Туа біткен ауытқулардан өлген нәрестелердің саны 113 (138) немесе 18,4% (23,5%), тыныс алу органдары ауруларынан — 56 (53), 9,1% (9%) және жазатайым оқиғалардан , улану және жарақаттар — 19 (23) немесе 3,1% (3,9%).
Ағымдағы жылғы қаңтар-ақпанда, 2018 жылғы қаңтар – ақпанмен салыстырғанда, республикаға келгендер саны 16,2 пайызға азайды, кеткендер саны 16,2 пайызға артты. Негізгі көші-қон алмасуы ТМД елдерімен жүріп жатыр, олардан келгендердің және осы елдерге кеткендердің үлесі 85,5 және 89,5 пайызды құрады.
Ішкі мигранттар саны 3,7 пайызға артты. Аймақаралық көшу республиканың 5 өңірінде — Батыс Қазақстан (7 адам), Маңғыстау (69) және Түркістан (142) және екі қала — Нұр-Сұлтан (4146) және Алматы (4632) қалаларында артты.
Сурет: Экспресс К
