Біздің республикамызда Bek Air әуекомпаниясына екінші талап бойынша сот талқылауы аяқталды. Бұл компания өз клиенттеріне жойылған рейс билетінің шығынын өтеуге асықпайды. Бұл туралы ustinka.kz ақпарат агенттігі жазады.
Бірінші шағымда да ҚР тұтынушылар құқықтарын қорғау комитеті авиатасымалдаушыдан азаматтарға тоқтатылған рейстерге сатып алынған билеттерінің ақшасын қайтаруды талап еткен. Ол орындалған жоқ.
Сотта комитет ұзақ уақыт бойы авиатасымалдаушыдан ақша ала алмай жүрген 81 азаматтың мүддесін білдірді. Екінші талап арыздың жалпы сомасы 5,9 миллион теңгені құрады.
Сот шешімімен авиатасымалдаушыға қатысты талап қанағаттандырылды. Осыған байланысты Bek Air компаниясы өз клиенттеріне тоқтатылған рейстерге алынған билеттердің ақшасын қайтаруға міндетті.
Бұған дейін тұтынушылардың құқықтарын қорғау комитеті Bek Air компаниясына тағы талап арыз беруге ниеттеніп отырғаны, өйткені ведомствоға тұрақты негізде осы авиатасымалдаушының авиарейстеріне сатып алынған билеттердің ақшасын қайтара алмаған азаматтардан өтініш түсіп жатқаны айтылған.
