Қазіргі уақытта қазақстандық қорғаныс ведомствосы Петропавл ауыр машина жасау мен Киров атындағы зауыттармен әскери арнайы өнім өндірісін бастауға қатысты мәселені пысықтауда. Бұл туралы ҚР Қорғаныс министрлігінің баспасөз қызметі хабарлады.
Осыған байланысты қазақстандық қорғаныс ведомствосының басшысы Нұрлан Ермекбаев осы зауыттардың жұмысымен танысу мақсатында Солтүстік Қазақстанға жұмыс сапарымен барды.
Солтүстік Қазақстан облысына сапары барысында Қорғаныс министрі кәсіпорындар басшыларымен кездесу өткізіп, өндірістік қуаттың жүктемесін арттыру мәселесін талқылады. Сондай-ақ Нұрлан Ермекбаевқа зауыттар Қорғаныс министрлігімен ынтымақтастыққа толық дайын екендігін баяндады.
Қорғаныс ведомствосының басшысы жұмыс сапары аясында министрлік, Солтүстік Қазақстан әкімдігі және “Жас Сарбаз” балалар-жасөспірімдер әскери-патриоттық қозғалысы” Республикалық қоғамдық бірлестігі арасында ынтымақтастық туралы меморандумға қол қойылды.
Қорғаныс министрлігінде осы құжаттың арқасында бірлескен жобаларды, бағдарламаларды жүзеге асыруға, сондай-ақ әскери-патриоттық тәрбие бойынша іс-шараларды ұйымдастыруға болатынын атап өтті.
Сурет: Mod.gov.kz
