Солтүстік Қазақстан облысында «Адалдық аланы» пікірталас клубының отырысы өтті.
Отырыс барысында Солтүстік Қазақстанда жол жабындысының мониторингі тұрақты түрде жүргізілетіні атап өтілді. Осындай тексерулердің нәтижесі бойынша 7 бұзушылық анықталып, оның төртеуі жойылды.
Кездесуге қатысушылар алдында сөз сөйлеген жол активтері Ұлттық орталығы филиалының зертхана меңгерушісі Марат Дәрбаев жоғарыда көрсетілген бұзушылықтарды жойғаннан кейін, орталық қызметкерлері қайта жолға шығып, жөнделген автожол учаскелерін тексеретінін атап өтті.
«Біз сараптамаға материалдарды қайта аламыз және екінші сынақ жүргіземіз. Тек содан кейін қорытынды беріледі. Біздің зерттеулерде бәрі материалға байланысты. Егер асфальтбетон жабыны таңдалса — кем дегенде 2-3 күн, қиыршық тас материалдары көп уақыт алады, битум материалдарын тексеруге 1-2 күн еетеді», — деді ол.
Сонымен қатар, Дарбаев өткен жылдан бастап бюджеттің ашықтығы бойынша «Ашық бюджеттердің интерактивті картасы» жобасы жұмыс істеп жатқанын еске салды.Оның көмегімен қандай нысанның салынып, оған қанша қаражат жұмсалғанын білуге болады.
Сонымен қатар, ол бүгінгі күні сыбайлас жемқорлыққа қарсы қызмет жол жабынының тегістігін анықтауға мүмкіндік беретін мобильді қосымшаны енгізумен айналысып жатқанын айтты.
