Солтүстік Қазақстан облысында коронавирус инфекциясының таралуының алдын алу мақсатында карантин шараларын күшейту туралы шешім қабылданды. Бұл туралы today.kz ақпарат арнасы хабарлайды.
Солтүстік Қазақстанда аудандары мен Петропавл қаласының карантиндік аймақтарына кіруге де, одан шығуға да тыйым салынады.
Алайда мұндай шара медициналық көрсеткіштер бойынша облысқа келетін және одан шығатын адамдарға және халықтың тыныс-тіршілігін қамтамасыз ететін ұйымдардың қызметкерлеріне қолданылмайды.
Сонымен қатар, әлеуметтік маңызы бар азық-түлік тауарларын тасымалдайтын жүк көліктері мен транзиттік жүк көліктеріне тыйым салынбайды.
Өңірде әуежай, теміржол вокзалдары, автовокзалдар мен автостанциялар жұмысы тоқтатылатын болады.
Мұндай шаралар Солтүстік Қазақстанда ертеңнен бастап іске қосылады. Бұл COVID-19 күресу және азаматтардың өмір қауіпсіздігін қамтамасыз ету үшін жасалады.
Соңғы мәліметтерге сәйкес, Солтүстік Қазақстан облысында коронавирусты жұқтырудың 30 оқиғасы ресми түрде тіркелді, ал елімізде олардың саны 1775-ке жетті.
Сурет: Today.kz
