Евгений Зиновьев жеңіске жарты жыл қалғанда қаза тапқан батыр Виктор Скачковтың ерлігі туралы тарихи мультипликациялық фильм түсірді, деп хабарлайды sputnik.kz ақпарат агенттігі.
9 мамырға қарсаңында, осы өнерді меңгерген мультипликатор, Ұлы Отан соғысы кезінде қаза тапқан жерлесі туралы әскери-патриоттық фильм жасады.
“Бұл біздің жергілікті кейіпкеріміз. Виктор Михайлович – Ресейдің Қорған облысының тумасы, бірақ көп уақыт Мамлют ауданының Қызыләскер ауылында тұрған, – дейді мультипликатор. – Мен өзім Мамлютка қаласында туып, оның аты берілген көшеде тұрамын. Балалық шағымда бұл адам туралы көп естідім. Сондықтан, Жеңіс күніне орай мультфильм жасау идеясы пайда болғанда, мен бірден ол туралы айтып беруді шештім”.
Қызыләскер ауылында Виктор Скачковтың құрметіне мектеп аталды,сондай-ақ ескерткіш бюст орнатылды. Оның экипажы Латвияда фашистік-неміс қорғанысын бұзып шыққан, онда ҰО соғысының Батыры құрметіне мемориалдық тақта орнатылды.
