Солтүстік Қазақстан облысы полиция департаментінің қызметкерлері “Жолда қабылдау” акциясын өткізді. Бұл туралы облыстық полиция ведомствосының баспасөз қызметі хабарлайды.
Құқық қорғау органдарының қызметкерлері халықпен Nur Otan партиясының қоғамдық қабылдауында және аймақтық полиция пункттерінде кездесті. Азаматтардың сұрақтарына полиция департаменті бастығының орынбасары Думан Таев, жергілікті полиция қызметі, әкімшілік полиция, көші-қон қызметі және процессинг орталығының басшылары жауап берді.
Облыстық полиция департаментінің ақпараты бойынша, негізінен азаматтар жол қозғалысы қауіпсіздігіне қатысты сұрақтар қойды.
“Петропавл тұрғындары полиция қызметкерлеріне Назарбаева көшесіндегі Чкалов аялдамасы ауданындағы жол учаскесін тексеру туралы өтініш білдірді. Қала тұрғындары онда батырмасы бар бағдаршам нысанын орнатуды сұрады. Береке шағын ауданында мектеп жанында екі жаңа бағдаршам орнатылады”, – деп хабарлады полиция ведомствасынан.
Солтүстік Қазақстан облысы Ішкі істер департаменті бастығының орынбасары мұндай сұхбаттар қоғамдағы және жолдағы жағдайларды зерттеуге мүмкіндік береді деп санайды. Ол ашық форматтың арқасында жұмысты үйлестіріп, азаматтардың қауіпсіздігіне бағытталған тиімді шараларды қабылдауға болатынын атап өтті.
