Солтүстік Қазақстан облысының әкімі Құмар Ақсақалов эпидемияға қарсы күрес мақсатында Петропавлда қатаң карантиндік режим енгізілетінін мәлімдеді. Бұл туралы облыс әкімінің баспасөз қызметі хабарлады.
Ақсақаловтың айтуынша, карантин режимі аясында Петропавлда дезинфекциялық жұмыстар мен санитарлық өңдеу жүргізілетін болады. Сонымен қатар, қалада барлық қоғамдық орындар, оның ішінде саябақтар жабылады.
Сонымен қатар, Солтүстік Қазақстанның әкімшілік орталығында әкімдіктер, медициналық мекемелер, мемлекеттік органдар, полиция ведомстволары мен коммуналдық қызметтерден басқа, барлық меншік нысанындағы кәсіпорындар мен ұйымдардың жұмысы тоқтатылатын болады.
Сондай-ақ, қала тұрғындарына карантиндік режим кезінде, дәріханалар мен дүкендерден азық-түлік тауарлары мен дәрі-дәрмек сатып алудға ғана шығуға болады, басқа уақытта үйлерден шығуға тыйым салынады. Дәріхана мен азық-түлік дүкендері сағат 10.00-ден 18.00-ге дейін жұмыс істейтін болады.
Құмар Ақсақалов карантин толық өзін-өзі бақылау дегенді білдіретінін, ал оның талаптарын бұзған тұлғаларға 26 мың теңге көлемінде айыппұл салынатынын немесе бес тәулік мерзімге қамауға алынатынын атап өтті.
Сурет: ru.sputniknews.kz
