Солтүстік Қазақстан облысының әкімі Құмар Ақсақалов жұмыс сапарымен Аққайың ауданына барды. Онда ол Дайындық ауылында болып, ауыл шаруашылық және әлеуметтік нысандарды тексеріп, жергілікті тұрғындармен әңгімелесті.
Қазір “Дайындық агро” ЖШС облыстық үздік жеті шаруашылықтың қатарында. Серіктестік басшысы Біржан Шаймерденов әкімді шаруашылық ісінің барысымен таныстырды. Ол қазіргі заманғы сүт-тауар фермасының құрылысын аяқтау, соя – жаңа дақылын өсіру, сондай-ақ ауыл тұрғындарының әл-ауқатын жақсарту туралы айтты.
Біржан Шаймерденов барлық аграрияларға үлгі. Ол туған ауыл үшін өте көп жұмыс тындырды. Жұмысшыларға жаңа үйлер салды. Үйде ыстық және суық су, орталық жылу бар. Мектеп жөнделді, спортзал салынды. Медпункт пен шағын орталық жұмыс істейді. Қазір” Дайындық агро ” агро шаруашылықтардың 1 санатына кіреді. 2 және 3 санаттағы серіктестіктер Біржан Шаймерденов сияқты жұмыс істеп, бірінші санатқа өтуге тырысу керек”, — деп атап өтті Құмар Ақсақалов.
Сондай-ақ, Солтүстік Қазақстан облысының әкімі Астрахан мектебінің күрделі жөндеуі барысымен танысты. Мұндай жөндеу 142 оқу орнында жүргізіліп жатыр, жалпы алғанда оған 5,5 миллиард теңге жұмсалды, бұл өткен жылға қарағанда 12 есе көп.
Сурет: today.kz
