Солтүстік Қазақстан облысының әкімі Құмар Асқаров АҚШ-тың Қазақстандағы төтенше және өкілетті елшісі Уильям Мозермен кездесті.
Кездесуге қатысушылар ауыл шаруашылығы, ауыл шаруашылығы машиналарын жасау, өнімді қайта өңдеу салаларындағы өзара ынтымақтастық мәселелерін талқылады.
Солтүстік Қазақстан облысының әкімі біздің еліміз ауыл шаруашылығында алдыңғы қатарлы технологияларды қолдану бойынша АҚШ тәжірибесін пайдалана алатынын мәлімдеді.
“Біздің басты артықшылығымыз – жақсы нәтиже бере алатын құнарлы жер. Облысты заманауи технологиялар, кадрларды даярлау арқылы дамытуға қажетті үлкен әлеует бар. Ғылым алыс кетеді,біз АӨК-тегі заманауи үрдістермен қатар жүруіміз керек. Технологиялар, техниканы пайдалану, арнайы оқытылған кадрлар өңірдегі ауыл шаруашылығы өнімдерінің көлемін арттыра алады”, – деп есептейді Асқаров.
Өз кезегінде, АҚШ елшісі америкалықтар Қазақстанмен одан әрі ынтымақтастыққа қызығушылық танытатынын хабарлады.Бұл екі елге да тиімді болатынын айтты.
“Сіздің өңіріңіз біз үшін өте қызықты. Дакота штаты мен Солтүстік Қазақстанның климаттық жағдайлары өте ұқсас. Біздің фермерлердің ауыл шаруашылығы саласында мол тәжірибесі бар. Бізде озық технологиялар енгізілуде. Өз тарапымнан ҚР-дағы АҚШ елшілігі бірлескен бизнес – жобаларды жүзеге асыруда қажетті қолдау көрсетеді деп сендіремін”, – деп атап өтті елші.
