Бүгінгі таңда Солтүстік Қазақстан облысында “Көктем-2019” Республикалық командалық-штабтық оқу-жаттығуы басталды. Бұл туралы ТЖ департаментінің баспасөз қызметі хабарлады.
Биыл республикалық оқу-жаттығудың орталық штабы Петропавлда орналасқан.
№1 дайындық кезеңіне басқару органдары мен азаматтық қорғау мемлекеттік жүйесінің күштері келтірілген.
Оқу-жаттығудың бірінші күні оқу-жаттығу штабының бастығы, Қазақстан Республикасы ІІМ ТЖ Комитеті төрағасының орынбасары, азаматтық қорғау полковнигі Марат Күлдіковтың төрағалығымен отырыс өтті.
Отырыста аймақтық Азаматтық қорғау қызметтерінің бастықтары және республикалық азаматтық қорғау қызметтерінің жедел топтарының басшылары өз баяндамаларымен сөз сөйледі.
Марат Күлдіков су тасқыны кезіндегі ТЖ болдырмау үшін, Комитет қабылдаған шаралар туралы айтып, оқу-жаттығуға қатысушылардың алдында тұрған міндеттерді түсіндірді және шартты ТЖ болған жағдайда қабылданатын іс-қимылдар кешенін егжей-тегжейлі сипаттады.
Бүгінгі күні қауіпті учаскелерді арнайы комиссиялар тексереді.
Оқу-жаттығудың бірінші күні төтенше жағдай орын алғандығы туралы дабылдар мен құлақтандыру пысықталды, сондай-ақ оқу-жаттығудың сценарийі бойынша көктемгі су тасқыны мен қар массасының еруіне байланысты ТЖ орнының жедел жағдайдағы картасы дайындалды.
Сурет: static.zakon.kz
