Солтүстік Қазақстан облысы әкімінің әлеуметтік мәселелер жөніндегі орынбасары қызметіне Руслан Әлішев тағайындалды. Бұл туралы өңірлік әкімдіктің баспасөз қызметі хабарлады.
Руслан Әлішев-Солтүстік Қазақстан облысының тумасы. Ол Манаш Қозыбаев атындағы Солтүстік Қазақстан мемлекеттік университетінде, сондай-ақ Мырзахметов атындағы Көкшетау университетінде оқыды.
2004 жылдан 2013 жылға дейін Солтүстік Қазақстан облысы әкімінің бас инспекторы, одан кейін Солтүстік Қазақстан облысы ішкі саясат басқармасының орынбасары және бастығы болды.
Одан кейін Мағжан Жұмабаев ауданы әкімінің орынбасары қызметін атқарды.
2013 жылдан бастап 2018 жылға дейін Қазақстан Мәдениет және ақпарат министрлігі Ақпарат және мұрағат комитетінің электрондық БАҚ басқармасының басшысы, сондай-ақ “Нұр Отан” Орталық аппаратының саяси жұмыс департаментінің директоры болып жұмыс істеді, сондай-ақ Қазақстан Ақпарат және коммуникация министрлігі Ақпарат комитеті төрағасының орынбасары болды.
2018 жылдан бастап кешегі күнге дейін Қазақстан Ақпарат және коммуникация министрлігі “Орталық коммуникациялар қызметі” РММ басшысы болып жұмыс істеді.
Солтүстік Қазақстан облысы әкімінің әлеуметтік мәселелер жөніндегі бұрынғы орынбасары Мадияр Қожахмет басқа жұмысқа ауысуына байланысты қызметінен босатылды.
Сурет: facebook.com/Ruslan-Alishev
