Солтүстік Қазақстан облысының әкімі Құмар Ақсақалов ауыл шаруашылығы өнімдерін қайта өңдеу өңірдің басымдықты жұмыстарының қатарында болатынын мәлімдеді.
Облыс әкімі бұл туралы облыстық мәслихат депутаттарының алдында есеп беру кезінде айтты. Сондай-ақ, Ақсақалов шенеуніктерге облыстың қайта өңдеу кәсіпорындарының ағымдағы қызметі туралы хабарлады.
“Мен әрдайым не өндірсек, соны өзіміз де қайта өңдеуден өткізуіміз керек деп айтамын”, – деп атап өтті Солтүстік Қазақстан облысының әкімі.
Сондай-ақ Құмар Ақсақалов мәслихат депутаттарына бұрынғы “Биохимнің” жұмысы туралы айтып берді. Ол зауыттағы жұмыс қалпына келтірілді, ал кәсіпорынның өзі биоэтанол шығаруға дайындалуда деп мәлімдеді.
Есеп беру кезінде шенеуніктер құрама жем өндірумен айналысатын “KAZMEAT” ЖШС зауытының қызметі туралы хабардар болды.
” Осы екі кәсіпорынды іске қосу есебінен ғана ауыл шаруашылығы саласында дәнді дақылдарды өңдеу 33%-ға дейін өседі. Өткен жылы ол 14% құрады. Бұл жақсы үлгі, мемлекет басшысының тапсырмаларын ескере отырып, осы бағыттағы жұмысты күшейту қажет”, – деді әкім.
Солтүстік Қазақстан облысы әкімінің айтуынша, өңір кәсіпорындары ауыл шаруашылығы өнімдерін көбірек өндіруге ниетті.
“Бұған облыс аумағында 80 сүт-тауар фермасының жұмыс істеуі ықпал етеді,ет комбинаты жұмысын бастады. Біздің өңір республика өңірлерінің арасында жұмыртқа өндіру көлемі бойынша үшінші орында тұр”, – деп қорытындылады Ақсақалов.
